દંપતીને ઢસેડવાનો મામલો, ચાંદખેડા પોલીસના સાત કર્મચારીઓ સસ્પેન્ડ, PI સામે કાર્યવાહી – seven police officers suspended for dragging senior citizen couple out

[ad_1]

હાઈલાઈટ્સ:

  • વૃદ્ધ દંપતીને બળજબરીપૂર્વક ઢસેડીને લઈ જવામાં આવ્યા.
  • પીડિત વૃદ્ધાની રિટને આધારે હાઈકોર્ટે કડક પગલા લીધા.
  • સાત કર્મચારીઓને સસ્પેન્ડ કર્યા, પીઆઈ સામે થશે કાર્યવાહી.

અમદાવાદ- થોડા સમય પહેલા એક વીડિયો વાયરલ થયો હતો જેમાં દેખાઈ રહ્યુ હતું કે સાત પોલીસ કર્મચારીઓ વૃદ્ધ મહિલાને ઢસડી રહ્યા છે. આ કેસમાં ઝોન-2ના ડીસીપીએ તપાસ કરી હતી ચાંદખેડા ડી સ્ટાફના પોલીસ કર્મચારીઓને સસ્પેન્ડ કરવામાં આવ્યા છે. આટલું જ નહીં પી.આઈ. કે વી પટેલ સામે કાર્યવાહી કરવામાં આવશે. ઉલ્લેખનીય છે કે IBમાં કાર્યરત પીઆઈ જે મકાનમાં ભાડે રહેતા હતા તેના મકાન માલિક સાથે વિવાદ સર્જાતા બન્ને પક્ષો ચાંદખેડા પોલીસ સ્ટેશનમાં આવ્યા હતા. ચાંદખેડા પોલીસે આઈબીના પીઆઈને મદદ કરવા માટે મકાન માલિકના વૃદ્ધ માતા-પિતા સાથે દુર્વ્યવહાર કર્યો હતો.

ઘટનાની વિગતવાર વાત કરીએ તો, ગુજરાત હાઈકોર્ટમાં એક રિટ કરવામાં આવી હતી જેમાં આરોપ મૂકવામાં આવ્યો હતો કે ચાંદખેડા વિસ્તારમાં પોલીસે એક વૃદ્ધાને ઢસડીને ઘરમાંથી બહાર કાઢ્યા હતા અને તેમના પતિના ખાટલાને પણ ઉંચકીને ઘરની બહાર કાઢ્યા હતા. હાઈકોર્ટે રાજ્ય સરકારને આદેશ આપ્યો છે કે આ બાબતે રિપોર્ટ ફાઈલ કરવામાં આવે અને આગામી સુનાવણી 15મી ડિસેમ્બરના રોજ હાથ ધરવામાં આવશે. સુનાવણી પહેલા ચાંદખેડા પોલીસના સર્વેલન્સ સ્ક્વોડના સાત પોલીસ કર્મચારીઓને સસ્પેન્ડ કરવામાં આવ્યા છે. આ સિવાય પીઆઈ કે.વી.પટેલ સામે ખાતાકીય કાર્યવાહી કરવામાં આવશે.

વૃદ્ધ દંપતીને ઘરમાંથી ઢસેડી જઈ પોલીસે માર્યો માર, હાઈકોર્ટે રાજ્ય સરકાર પાસે માગ્યો રિપોર્ટ
ડીસીપી વિજય પટેલના રિપોર્ટના પગલે સાત પોલીસ કર્મીઓના સસ્પેન્શન અને પીઆઈ સામે કાર્યવાહીની ભલામણ કરતો રિપોર્ટ કમિશનરને સોંપવામાં આવ્યો છે. ચાંદખેડામાં રહેતા વૃદ્ધાએ હાઈકોર્ટમાં રિટ કરીને આક્ષેપ મૂક્યો હતો કે તેમના પુત્રની ઈન્ટેલિજન્સ બ્યુરોના પોલીસ અધિકારી વિજય રાઠોડ સાથે ઘરની માલિકી બાબતે તકરાર થઈ હતી. તેમના પુત્ર પર આરોપ મૂકવામાં આવ્યો હતો કે તેણે વિજય રાઠોડ પાસેથી ઉછીના લીધા પૈસા પરત નથી કર્યા.

આ સંપૂર્ણ વિવાદમાં આઈબીના અધિકારી અને ચાંદખેડા પોલીસ સ્ટેશનના પોલીસકર્મીએ તેમના ઘરે આવી વૃદ્ધાને ઢસડીને ઘરની બહાર કાઢ્યા હતા. આટલું જ નહીં તેમના પતિને ખાટલામાંથી ઉંચકી બહાર કાઢવામાં આવ્યા હતા. આઈબીના અધિકારીની મદદ કરવા માટે પોલીસકર્મીઓ દ્વારા વૃદ્ધો સાથે આ પ્રકારનો દુર્વ્યવ્હાર કરવામાં આવ્યો હતો. વૃદ્ધા દ્વારા આરોપ મૂકવામાં આવ્યો છે કે, પોલીસ સ્ટેશનમાં પણ તેમની સાથે અભદ્ર વર્તન કરવામાં આવ્યુ હતું. આ સમગ્ર ઘટનાના સીસીટીવી ફૂટેજ પણ કોર્ટમાં રજૂ કરવામાં આવ્યા હતા.

આગામી ત્રણ દિવસ ગુજરાતમાં અમદાવાદ સહિના વિસ્તારોમાં પવન સાથે વરસાદી માહોલ
પોલીસ સૂત્રો દ્વારા પ્રાપ્ત જાણકારી અનુસાર, આઈબીના પીઆઈ રાઠોડે તપોવન સર્કલ પાસે બાલાજી વિલામાં મકાન ભાડે રાખ્યુ હતું. આ મકાન ખાલી કરવાના મુદ્દે વિવાદ ચાલી રહ્યો હતો. બન્ને પક્ષ તરફથી જ અરજી કરવામાં આવી હતી. આઈબીના પીઆઈની મદદ કરવા માટે ચાંદખેડાના ડી સ્ટાફે સત્તાનો દુરુપયોગ કર્યો હોવાનો આરોપ મૂકવામાં આવ્યો છે.

[ad_2]

Source link

Leave a Reply

Your email address will not be published. Required fields are marked *